Hefur þú heyrt þetta?

Negativeland er áhugaverð hljómsveit sem hljómar eins og blanda af Byrds, Bob Dylan og Flaming Lips. Lagið er af plötunni Thigmotactic sem kom út fyrr á árinu.

[MP3] Negativeland - Basketball Plant

Hin ágæta spænska tónlistarsíða Buffetlibre heldur áfram að færa okkur eðal ábreiður af gömlum 80’s smellum. Hér eru það Someone Still Loves You Boris Yeltsin sem taka gamlan XTC slagara og færa í nýjan búning.

[MP3] Someone Still Loves You Boris Yeltsin - Another Satille (XTC Cover)

Detroit poppsveitin Pas/Cal sendir í dag frá sér plötuna I Was Raised on Matthew, Mark, Luka, and Laura. Hér er lag af henni.

[MP3] Pas/Cal - Glorious Ballad of the Ignored

Ég er nú ekki mikið fyrir að vísa í demó með hljómsveitum en séu þau jafn góð og þetta lag, sem er af væntanlegri plötu Fields, þá er ekki annað hægt.

[MP3] Fields - Worst Love

Brendan Canning gefur út í dag plötuna Broken Social Scene Presents: Brendan Canning, Something for All of Us… sem er svona næstum-því-en-ekki-alveg sólóplata og lofar góðu.

[MP3] Broken Social Scene Presents Brendan Canning – Churches Under the Stairs

Danny Seim, sem sumir kannast kannski betur við sem einn af meðlimum Menomena, er fjölhæfur ungur maður. Hann gefur nú út níundu plötu sveitar sem hann stofnaði árið 1997 og heitir Lackthereof. Your Anhcor heitir platan og gerði hann sér lítið fyrir og samdi, söng og sá um allan hlóðfæraleik á henni. Gerir aðrir betur!

[MP3] Lackthereof - Last November

Þá er maður kominn heim af frábærri Roskilde hátíð. Hátíðin í ár var jafn erfið og hún var skemmtileg enda barði sólskinið á manni daginn út og daginn inn svo svitinn bogaði af manni. Svo festist bölvað moldrikið á manni og smaug inn um allar rifur og vit þannig að manni líður eins og maður sé með kíló af mold í lungunum. En hvað lætur maður sig ekki hafa til að komast á og vera á bestu útihátíð í heimi?

Tónlistarspekingar á góðri stundu

Ég mun birta ítarlegri umfjöllun um hátíðina á Rjómanum á næstu dögum og vona ég að þið fylgist vel með. Massa viturleg umfjöllun með myndum og allt!

Hér er svo eitthvað af emmpéþremur sem safnast hafa upp á meðan ég var úti:

[MP3] Setting Sun - How Long
[MP3] Quitzow - Better Then Ever
[MP3] King Of Spain - Animals, Part 1
[MP3] My Milky Way Arms - Magneto (Ahhh!!!)
[MP3] Cloetta Paris - Cry Just A Little Bit (Shakin’ Stevens cover)
[MP3] Remote Control Frequencies - The Negotiator
[MP3] Bloc Party - Mercury
[MP3] Jex Thoth - Nothing Left To Die
[MP3] Beck - Gamma Ray
[MP3] The Great Northwest - Chief John

Roskilde á næsta leiti og biðin verður erfiðari og erfiðari með hverjum deginum. Maður er náttúrulega þegar búinn að gera gróft plan yfir hvað á að sjá og heyra og má sjá það í sérstakri umfjöllun á Rjómanum. Vonandi sér maður ykkur sem flest þar og ef ykkur langar að hitta kallinn þá er um að gera að senda mér línu eða skilja eftir komment við þessa færslu (munið bara að skilja eftir netfang).

Hér er svo eitthvað af nýrri tónlist til að tyggja á:

[MP3] Afternoons - Say Yes
[MP3] Karl Hector & The Malcouns - Nyx
[MP3] Appollo Sunshine - 666The Coming Of The New World Government
[MP3] Daedelus - Hrs: Mins: Secs

Nýjasta vonarstjarna Ástrala er listamaðurinn Gotye en hann heitir fullu nafni Wally De Backer. Nú er hróður þessa merkilega tónlistarmanns loksins að berast hingað upp á topp alheimsins og eru lög af plötum hans, Boardface frá árinu 2004 og Like Drawing Blood frá 2006, farin að endasendanst manna á milli í netheimum. Ég er yfir mig hrifinn af tónlist Gotye og get ekki beðið eftir að koma höndum yfir meira efni eftir kappann. Svo er von á nýrri plötu og verður biðinn eftir henni eflaust löng og ströng. Þangað til verður maður að láta eftirfarandi lög duga:

[MP3] Gotye - Heart’s A Mess
[MP3] Gotye - The Only Way

!! Thanks to I Guess I’m Floating for the tip !!

Svo eru hér nokkur ágætis lög sem vert er að kynna til leiks. Njótið vel.

[MP3] Tilly And The Wall - Pot Kettle Black
[MP3] Negativland - Richard Nixon Died Today
[MP3] Marching Band - Feel Good About It
[MP3] The Notwist - Sleep (Odd Nosdam Remix)
[MP3] Earlimart - Song For
[MP3] Bodies Of Water - Under The Pines

Þrátt fyrir neikvæðar fréttir af Iceland Airwaves mun hátíðin verða haldin þetta árið þó eitthvað verði umfangið eflaust minna. Nýlega voru fyrstu erlendu sveitirnar, sem staðfest hafa komu sína, kynntar en í þeim hópi eru m.a. CSS, Those New Puritans, Final Fantasy, Dirty Projectors, The Handsome Furs, Simian Mobile Disco og Crystal Castles.

Af þessum flytjendum er ég persónulega er ég spenntastur fyrir Final Fantasy og CSS.

[MP3] CSS - Let’s Reggea All Night

Ein allra besta plta ársins verður að teljast samnefnd plata hinnar stórgóðu sveitar Fleet Foxes. Hinir háu herrar hjá Pitchfork sáu meira að segja ástæðu til að gefa plötunni heila 9.0 í einkun og verður það að teljast nokkuð sjaldgæft á þeim bænum. Ég er enn að vinna í því hvernig ég á að útskýra tónlist Fleet Foxes fyrir fólki en um leið og ég átta mig á því megið þið búast við einu stykki Rjómadómi um plötuna frá mér. Fram að því skil ég ykkur eftir með lagið “White Winter Hymnal” en laglínan í því hefur bókstaflega ásótt mig undanfarna daga, svo eftirminnanleg er hún.

[MP3] Fleet Foxes - White Winter Hymnal

Nú er bæði sumartími og EM í fótbolta og því ekki gefist mikill tími í tónlistargrúsk. Alltaf ratar þó eitt og eitt lag í gegn. Heyrum nokkur rétt sem snöggvast:

[MP3] Cannonball Jane - The Secret Handshake
[MP3] Health//Disco - Triceratops (CFCF Remix)
[MP3] Jim Noir - Don’t You Worry
[MP3] The Last Shadow Puppets - My Mistakes Were Made For You

Fékk póst frá sveit sem kallar sig Mobley og er, að ég held, frá Englandi. Sveitin þessi sendi nýverið frá sér EP plötuna 2/3 og er hún, þrátt fyrir smávægilega galla, hin vænlegasta áheyrnar. Mobley spila einhverskonar plöndu af melódísku popp-rokki með klassísku ívafi. Minnti mig meira að segja á köflum á diet útgáfu af Muse. Ep plötuna má nálgast í heild sinni á heimsíðu sveitarinnar en sjálfum fannst mér meðfylgjandi lag standa upp úr.

[MP3] Mobley - Carry On

Jæja, þá er loksins kominn tími á smá blogg aftur. Ég hef verið afar upptekin af dauðarokkshlustun undanfarið og lítill tími farið í að hlusta á aðrar og mýkri tónlistartegundir. Hér eru þó nokkur sérvalin, eðal, nammi namm lög sem náðu að brjóta sér leið í gegnum hávaðan og lætin. Njótið vel.

[MP3] Beck - Chemtrails
[MP3] Wolf Parade - Language City
[MP3] The Stills - Being Here
[MP3] Arcade Fire - Black Mirror (True Pseudo Remix)
[MP3] Ed Harcourt - Revolution In The Heart
[MP3] Music Go Music - Light Of Love

Þá er Roskildeleik Rjómans lokið og reglulegar áætlunarferðir geta hafist að nýju. Sökum þess hve langt er síðan ég vísaði í einhverja tónlist hér ætla ég að sleppa allri umfjöllun (þið eruð alveg sátt við að losna við bullið í mér ekki satt) og birta bara topp 10 lista af tónlist sem safnast hefur upp.

Einn, tveir og svo…

[MP3] Sigur Rós - Gobbledigook
[MP3] Jex Thoth - Separated At Birth
[MP3] Passanger - Do What You Like
[MP3] The Morning Benders - Boarded Doors
[MP3] Steinski - Lesson Two (James Brown Remix)
[MP3] Bound Stems - Happens To Us All Otherwise
[MP3] Stereolab - Three Women
[MP3] Air France - Collapsing At Your Doorstep
[MP3] Ratatat - Mirando

Læt svo fylgja með í lokin eitt dauðarokkslag en mér fannst titillinn á því svo fyndinn að ég gat ekki sleppt því. Sveitin heitir Cannabis Corpse og flytur svokallað hassmetal. Þetta er náttúrulega snilld!

[MP3] Cannabis Corpse - Mummified In Bongwater

p.s. er ég einn um að finnast nýja Sigur Rósar lagið lykta svoldið af Animal Collective?

Jú, við ætlum að gefa þrjá miða á hátíðina og það eina sem þú þarft að gera er að svara þremur laufléttum spurningum og senda svörin auk nafns, heimilfangs, kennitölu og síma á rjominn@gmail.com.

Því miður höfum við ekki mikinn tíma til stefnu og rennur frestur fyrir innsendingar út þann 30. maí eða eftir tæpa viku. Það er því um að gera að láta vini og vandamenn vita svo sem flestir hafi tækifæri á að vera með í pottinum.

Spurningarnar eru:

1. Á hvaða hljóðfæri spilar Tom Araya söngavari Slayer?
2. Hvað fékk platan Mirrored með Battles í einkun hjá Rjómanum?
3. Hvaðan er Chhom Nimol söngkona Dangue Fever?

Eins og áður sagði skal senda svörin auk nafns, heimilfangs, kennitölu og síma á rjominn@gmail.com fyrir 30. maí.

Kvikmyndatónlist án kvikmynda? Jú, það er til og Saxon Shore heitir sveitin sem þann gjörning stundar. Þeir eru einnig sagðir spila instrumental tónlist fyrir fólk sem leiðist slíkt (þ.á.m. sá sem þetta ritar). Nýjasta afurð sveitarinnar, The Exquisite Death of…, kom út sjötta þessa mánaðar og var hún tekin upp af ekki minni manni en Dave Fridmann, upptökustjóra Flaming Lips.

[MP3] Saxon Shore - Marked With The Knowledge

Þær eru ekki margar sveitirnar sem komast upp með það að leita í hugmynda- og hugverkabanka Beach Boys með ásættanlegum árangri. This Is Ivy League ná þó að að taka hugmyndir og einkenni meistaranna og bræða þær saman við krúttlegt og glaðlegt tweepoppið sem sveitin flytur. This Is Ivy League spilar tónlist sem er tilvalin á íslenskum síðsumarkvöldum en hana má finna á samnefndri plötu sveitarinnar sem kom út þann fyrsta apríl síðastliðinn.

[MP3] This Is Ivy League - The Richest Kids

Ein besta hip-hop plata sem ég hef heyrt undanfarið er hin stórgóða Neighborhood Suicide með Radius (e. Ramon Norwood). Ramon þessi (eða Radius, eins og hann vill kalla sig) hefur náð að gera ótrúlega þétta og áheyrilega plötu vopnaður engu öðru en MPC digital sampler og hæfileikum og góðu eyra fyrir samspili takta og einstaka hljóðbúta. Glöggir hlustendur ættu m.a. að kannast við brot úr lagi með hinni fornfrægu progrokk sveit Yes í meðfylgjandi lagi.

[MP3] Radius - Logan Square (Rent’s Due)
[Stream] Hlustaðu á plötuna í heild sinni

Stars Like Fleas eru frá Brooklyn og hafa sjálfsagt fáir heyrt á þennan hóp músikanta minnst. Enn færri vita að þessi sveit mun hafa komið hingað á klakann og tekið upp plötu með sjálfum Valgeiri Sigurðssyni (sá sem hefur m.a. séð um að láta Björk hljóma vel). Platan góða sem sveitin tók upp hér hefur hlotið nafnið The Ken Burns Effect og þykir víst helvíti góð. Sjálfur hef ég ekki heyrt nema þetta eina lag sem finna má hér að neðan en ef restin af plötunni er eitthvað í líkingu við það þá er sannarlega von á góðu.

[MP3] Stars Like Fleas - I Was Only Dancing

The Last Shadow Puppets eru Alex Turner úr Arctic Monkeys og Miles Kane úr The Rascals. Saman hafa þeir náð að semja eina af merkilegri plötum ársins en hún hefur hlotið nafnið The Age Of Understatement. Þær gerast háværari með hverjum deginum raddirnar sem halda því fram að hér sé á ferð sterkur frambjóðandi til embætti plötu ársins. Platan mun vera full af dramatík, mikilfenglegum og fyrirferðamiklum lögum og geislar af sköpunargleði. Ég get ekki annað sagt en að ég sé afar spenntur. Alveg afskaplega.

[MP3] The Last Shadow Puppets - The Age Of Understatement
[MP3] The Last Shadow Puppets - The Age Of Understatement (acoustic)

Var ég búinn að segja ykkur frá aðal desktop tónlistarspilaranum í bænum? Ef þér finnst Winamp, iTunes og, Guð hjálpi mér, Windows Media Player ekki vera að gera sig þá er Songbird án efa málið. Aðal málið með Songbird er að í honum getur maður spilað heilu bloggin fram og til baka, vafrað um (Songbird er líka browser og byggir á Mozilla eins og Firefox) og haldið utan um tónlistina. Songbird er líka open source sem þýðir að það eru alltaf að bætast við nýjir og skemmtilegir fítusar.

Án efa skemmtilegasti spilarinn sem til er í dag. Songbird.

Hér eru svo þrjú lög til að prófa í nýja spilaranum:

[MP3] Lykke Li - Dance Dance Dance
[MP3] Meho Plaza - I Sold My Organs
[MP3] Slaraffenland - I’m A Machine

Einusinni sá ég ekki sólina fyrir Weezer. Svo döluðu þeir all svakalega og runnu á rassgatinu, með skít upp á bak, beint í forarpitt söluvænnar meðalmennsku. Og ekki fór ég leynt með andúð mína á ömulegum tilraunum Rivers Cuomo til að mjólka síðasta dropann úr því litla sem eftir var af ferli hans sem lagasmiðs. Nú er ný plata á leiðinni (sem mun örugglega verða kölluð “rauða platan” (sjá mynd)) og ef eitthvað er að marka fyrsta lagið af henni, sem lekið hefur á netið, þá er enn smá von fyrir Weezer. Ég vona að þetta sé byrjunin á endurreisn sveitarinnar. Ég vona, en er viðbúin því versta.

[MP3] Weezer - Pork And Beans

Mitt allra mesta uppáhald eru hjónakornin og Íslandsvinirnir Kori og Jason í Mates Of State. Síðasta plata þeirra, Bring It Back, er ein sú allra besta sem ég hef á ævinni heyrt og það er því skiljanlega sem ég er óhemju spenntur fyrir næstu plötu. Hún hefur hlotið nafnið Re-arrange Us og mun sjá dagsljós þann 20. þessa mánaðar (get ekki beðið). Hér er smakk:

[MP3] Mates Of State - Get Better

Hér er svo ferna fyrir helgina:

[MP3] Anna Ternheim - To Be Gone
[MP3] Man Man - Mister Jung Stuffed
[MP3] The Young Republic - Iris
[MP3] Coldplay - Violet Hill